Apoio ao consumo de produtos galegos e ao comercio de proximidade. Pontedeume é unha vila de pequenos comercios, servizos e hostalaría. O BNG lanza unha campaña de apoio ao comercio local baixo o lema Mellor local, mellor galego. Animamos á cidadanía eumesa en dúas direccións:

1) consumamos produto do país

2) consumámolos no comercio de proximidade.

Así Todos e todas debemos ser conscientes do que significa o comercio de proximidade: calidade, trato personalizado, produto coidado e diferenciado.

Ademais das campañas de sensibilización, o BNG propón medidas concretas contra a crise xerada pola pandemia:  axudas directas con cargo aos orzamentos da Xunta, unha fiscalidade xusta para o pequeno comercios e a posta en marcha dunha plataforma galega de venda por internet