​Durante o acto, Néstor Rego analizou os avances nos acordos de investidura e debullou algunhas das melloras acadadas grazas á negociación e presión nacionalista, como a quita da débeda, os descontos na AP-9, o impulso ao tren de proximidade ou a creación de xulgados de violencia de xénero. 

Pola súa banda, Aarón Curbeira e Rocío Pena subliñaron que o BNG é a única garantía de que os problemas de Galiza e as súas comarcas se prioricen en Madrid fronte ás estratexias dos partidos estatais.

​Tamén se abordou a problemática da obra da Ponte de Pedra, denunciando a falta de información do Goberno sobre o seu estado actual e explicando a Proposición Non de Lei presentada polo BNG no Congreso para exixir alternativas estructurais e de tránsito durante as obras.

Finalmente, o acto pechouse cun coloquio onde os veciños e veciñas trasladaron as súas preguntas, preocupacións e propostas.