Porén, denunciamos a discriminación que sofren as e os mariscadores de flote, que quedan excluídos destas axudas e atópanse sen poder traballar e sen ningún tipo de apoio.

 

​Por outra banda, respecto ás acusacións verquidas onte polo PP de Pontedeume, cómpre restablecer a verdade dos feitos. A moción do pleno de abril foi presentada polo PSOE, e foi este partido, como propoñente, quen non aceitou a emenda do PP, polo que o BNG non tivo nada que ver nesa decisión. Ademais, resulta ridículo que o PP poña agora o grito no ceo cando os seus propios concelleiros no pleno votaron a favor de dita moción sen a emenda.

 

​Debe ser que ao PP lle molesta que o deputado do BNG no Congreso fose quen de conseguir, tras negociar co Goberno do Estado, a exención de cotas para as mariscadoras.

 

Mentres o BNG arrinca acordos que benefician directamente á nosa xente, os deputados do PP en Madrid só se dedican a torpedear os avances para as traballadoras e traballadores de Galiza.

 

Desde o BNG de Pontedeume seguiremos traballando con rigor e ao servizo do sector do marisqueo da vila para que as axudas cheguen a todo o sector sen exclusións e para que o saneamento e a recuperación da nosa ría sexan, por fin, completos e reais.