Rogos:

1.- O Concelleiro de Persoal ten pendentes as negociacións das axudas sociais, do calendaro laboral, das IT´s, da flexibilidade horaria, do control dactilar dos empregados, do horario de verán e do calendario de vacacións.

ROGAMOS que con tantas frontes abertas peche, negociando e non por decreto, a algún acordo de vez en cando.

Agora paso a repetir os rogos que no mes de xuño do 2012 o BNG expuso ao goberno porque as demandas aínda seguen vixentes

2.- Reiteramos o solicitado e rogado en distintos plenos anteriores o poder traballar axeitadamente.

SOLICITAMOS unha mesa para poder traballar.

3.- Segue a información errónea, enganosa, falsa e ilegal dalgúns paneis e placas informativos distribuídos ao longo do concello. Logo que se nos resposta que se constatarían os fallos e actuaríase en consecuencia

SOLICITAMOS outra vez dilixencia na corrección destes erros toponímicos.

4.- Neste mes de xuño celebrouse na Vila a Fashion Night  con axuda do Concello e Deputación. A información levaba erros de toponimia e só aparece o castelán e o inglés. Desde o BNG desexaríamos que tamén tiveramos a oportunidade de lelo na nosa lingua.

SOLICITAMOS a aplicación da lei lingüística e que cada vez que unha sociedade reciba unha axuda se revise como vai ser publicada.

5.- No entronque da avenida de Ferrol con rúa Lombardero e avenida Dr. Villanueva seguen aparcando os coches diante da sinal do stop ocasionando atrancos.

SOLICITAMOS se pinte unha liña continua divisoria da calzada antes da sinal.

6.- As colonias de gaivotas van en aumento e cada vez fanse máis urbanas e carroñeiras e por iso medran as queixas veciñais polas súas deposicións.

SOLICITAMOS como noutros concellos unha campaña de control de poboación.

Preguntas e respostas:

1.- O BNG nun pleno anterior preguntaba se había algún impedimento de calquera tipo para “colgar” na páxina güeb do concello as actas dos plenos e das xuntas de goberno e a resposta foi que non había problema.

A FEGAM a instancias do Defensor del Pueblo enviou aos concellos, suponse que Pontedeume o recibiu, a obrigatoriedade de que os seus membros impulsaran a utilización activa das tecnoloxías de información e comunicación cos veciños basándose no artigo 70-bis da LBRL (Lei de Bases de Réxime Local). Esta recomendación viña polas nulas reclamacións nos períodos de exposición de ordenanzas, regulamentos, presupostos, normas de planes urbanísticos e actas de xuntanzas.

Por que non se mostran na páxina güeb todos os documentos que precisan exposición pública?

-Contestan que todos son públicos e móstranse no taboeiro da entrada e a ninguén ten impedimento para achegarse a el.

Ante os documentos que constan de moitas páxinas e a dificultade de consultalos individual e incomodamente respostaron que cumpren coa legalidade do xeito que os expoñen.

NON MIRAN POLA ATENCIÓN Á CIDADANÍA NEN QUEREN DAR MÁIS FACILIDADES.

2.- Sobre os orzamentos do 2012 a primeiros de xaneiro do mesmo ano a unha pregunta do BNG contestóuselle “que están a facelo e poranse en contacto coa oposición cando estean elaborados”.

Estamos en xuño do 2013 e continuamos co presuposto prorrogado do no 2009.

Pode este goberno aceptar a suxestión do BNG de  abandonar o do 2013 e empezar co do 2014 antes do 31 de outubro, data de presentación?

-Encantados aceptan o consello.

É UNHA FORMA XUSTIFICADA E CÓMODA DE PRORROGAR OS ORZAMENTOS DO 2009. MAIS SE CUMPREN E ELABORAN OS PRESUPOSTOS DO 2014, ADIANTE. 

3.- Nas dúas últimas actas da XGL apareceron unha boa cantidade de vivendas e baixos que non contribuían ao coste do Servizo de Recollida de Lixo. Antes que calquera medida, esta é o primeira regra para optimizar un servizo público.

Dado o rendemento económico da eficaz actualización deste padrón, continuará o goberno do mesmo xeito cos outros servizos municipais?

-Continuarán coas actualizacións.

ACTUALIZANDO OS PADRÓNS, HAI INGRESOS E POUCA XUSTIFICACIÓN PARA SUBIR TAXAS E IMPOSTOS E PRIVATIZAR OS SERVIZOS MUNICIPAIS.

4.- Nun escrito do 5 de setembro do 2011 da Consellería de Medio Ambiente emprazaba ao Concello a solucionar en 3 meses os verquidos de augas fecais na praia de Ver.

O BNG desde esa data ven apurando ao goberno con 8 preguntas e 3 rogos do risco que agora temos. A última, no pleno do 30 de maio e as respostas e disculpas ao longo destes case tres anos foron sempre variadas.

Cal vai ser a actuación cara a este verán?

-Contesta Javier Crespo que as augas de Ver teñen actualmente a calificación de excelente(¡?) en tomas da Consellería do 27 de maio e 10 de xuño. Porán un cartel desaconsellando o baño (insuficiente no ano 2012) e ademais os resultado das últimas analíticas (excelente¡?).

TODO O ANO PASADO, INSUFICIENTE, E AGORA NA ANTESALA DO VERÁN EXCELENTE. NON HAI COMENTARIO, CADA QUEN...

5.- No decreto 250 solicítase subvención a Fomento de Emprego para traballadores desempregados. Pídense 31 en total para diversos traballos.

Supoñemos que todas as prazas non van vir, mais que espectativas ten o goberno?

-Con seguridade como o ano pasado, 6 ou 7.

SEGUEN SEN PREOCUPARSE POLAS PERSOAS TRABALLADORAS DESEMPREGADAS DESTE CONCELLO. NON NEGOCIAN NEN PRESIONAN AOS GOBERNOS “AMIGOS”.

 6.- No decreto 277 do 17 de xuño, tres empregados públicos solicitaron a flexibilidade horaria e fóronlle aprobadas con distintos horarios, algúns horarios raros, e en distintos edificios.

De continuar con esta dinámica ninguén vai saber quen, como, onde e cando se pode localizar a un traballador.

Dos 60 empregados públicos poden ter todos o mesmo dereito? E como se vai controlar?

-Indican que as condicións destes traballadores, con fillos menores de 11 anos ao seu cargo, non as teñen os demais.

COMO, QUEN, CANDO, ONDE,...

  7.- Sobre a Escola Infantil, logo da visita da Conselleira de Traballo e Benestar para asinar o convenio para esta construción.

Hai xa proxecto?

-Din que aínda non pola dificultade do aceso, para a Escola Infantil e tamén para o pavillón. A Consellería o está rematando.

MOITO PASEO, DIETAS, VIAXES, FOTOS... E PASA O TEMPO.

 8.- Sobre o Plan Artabria Emprega. Un plan de información, orientación, formación, práctica laboral e intermediación coas empresas.

O BNG quixiera ter información sobre este plan.

Que departamento o leva?

Por que Neda sendo membro non contribue economicamente?

Cantas persoas saíron beneficiadas?

...?

-Neda se incorporará este ano. É un plan que afecta a 90 persoas, 30 en Pontedeume cun 20% de inserción laboral.

SE NON É UN COMECARTOS QUE SEGA.

 9.- Volve a xurdir o problema das gaivotas en varias zonas da Vila; aniñando nos tellados, rachando as bolsas do lixo, manchando persoas e emporcando coches. Recomendábamos hai anos por medio dun rogo un plan para reducir a  poboación de gaivotas como así fan en algunhas cidades, e máis preto e actual, como en Ferrol con moi bos resultados.

Ante as constantes queixas dos cidadáns, pódese pór unha partida nos presupostos para este fin?

-Contesta Javier Crespo que el no recibiu ningunha queixa e o Concello tampouco e que non o ve como problema. O alcalde citou aos ecoloxistas e pareceu dicir algo de aborto.

ATA QUE O ALCALDE OU CONCELLEIR@ NON RECIBA UN “REGALITO”, SEGUIREMOS IGUAL.