O BNG de Pontedeume amosa a súa preocupación polas dificultades de manter as condicións óptimas para as crianzas de menos de 3 anos (ruídos, suciedade, falta de espazo...) durante as obras da Escola Infantil “Chalet Rosa”

O BNG lembra a súa posición favorable á construción dunha Escola Infantil verdadeiramente NOVA en terreos públicos.  Posición netamente contraria ao empecinamento do Sr. Bernardo Fernández, para construír una escola infantil:

• nun calexón sen saída. Cuns accesos nefastos para deixar/recoller a nenas e nenos de menos de 3 anos (75 prazas, 75 coches particulares, 75 carriños de bebé...).
• Sen un plan viario par o acceso.
• Nun emprazamento sombrío, rodeado de edificios, cun proxecto modificado a última hora por problemas cos veciños.

E máis:

• proxecto con dous edificios separados (non existe ningún exemplo moderno deste tipo para unha escola infantil)
• cunhas aulas que non cumpren os mínimos de tamaño (os mínimos ¡¡¡) esixidos pola Federación de Municipios
• con aulas e servizos en dous andares (aulas no primeiro andar ¡¡¡)
• o acceso á Biblioteca Gurmendez, que se mantén no Chalé Rosa é pasando polo medio da Escola Infantil. ¿que normativa pode avalar esto ?
• a nova edificación “comprime” o espazo propio do Chalé Rosa, unha edificación singular e protexida por Patrimonio
• sen contar coa Comunidade Educativa no desenvolvemento do proxecto

O BNG reclama una escola infantil que (cun coste de preto de 600.000 euros) cumpra como mínimo coas seguintes características:

• emprazamento nun lugar de fácil acceso para os coches particulares de pais/mais que leven aos bebés.
• fora do centro. Aproveitando terreos de propiedade municipal (cambiando incluso o tipo de uso dos terreos a uso dotacional educacional)
• nun edificio único (xuntos todos os servizos, aulas, zonas de descanso, cociñas, comedores, zona de profesorado....)
• cun proxecto que satisfaga as dimensións mínimas de espazos das aulas. (recomendados pola a Federación de Municipios )
• que conte cun proxecto que estea valorado tecnicamente por un órgano independente: colexio de arquitectos ou un arquitecto con experiencia no deseño de escolas infantís. E que recolla as demandas da comunidade educativa eumesa