Un grave problema medioambiental que arrastramos nos últimos cinco anos é a situación de contaminación nas praias da ribeira de Centroña e Ver, verán a verán non aptas para o baño. Dúas opcións: desprazarse a outras praias ou arriscarse a bañarse en augas contaminadas. A depuradora foi construída en 1996, tempo suficiente para que se solucionasen o seu mal funcionamento e os problemas de vertidos. A día de hoxe  a depuración integral da ría segue a ser un conto. Este verán de novo encontraremos o famoso carteliño: AUGAS DE CALIDADE INSUFICIENTE. PRAIA NON APTA PARA O BAÑO.